અસ્મિતાનો અભિરામ

હે પ્રબુદ્ધ પુરૂષ!

આંગળી ચિંધીને

કરેલો લલકાર તેં –

ચોગમ પડઘાય છે , આજે.

સ્વતંત્રતા, સમાનતા

ને બંધુતા ખાતર

અખંડતાનો અવાજ બની

તેં સમર્પણ કીધું જીવન

યુગના નવનિર્માણમાં.

હે ભારત રત્ન મહાન !

તારા આદર્શોની પરિકલ્પનાઓ

અસ્તિત્વનો આકાર લઇ

આવતી કાલ માટે

વિસ્ફોટ થવા બેથી છે , આજે.

લોકશાહીનો ઘંટારવ

રહેશે ગુંજતો

ન્યાયના મંદિરમાં.

રાષ્ટ્ર તારું ઋણી રહેશે, બાબા !

હે પરમ પિતા !

અમને મળો –

તારી આંગળી ચીંધ્યાનો આદર્શ !

અમને ફળો –

તારી અસ્મિતાનો અભિરામ !