અછતગ્રસ્ત વિસ્તારમાં

તમે તમારી જિંદગીઓ

બેહાલ હાડપિંજરોમાં

વેદનાની વિભીષિકા બની

હતાશ હૈયે કંપી રહી છે

ચાર,ચરરર

અને, અમે-?

તમે ભૂખી ભૂતાવળ બની

ભટકી રહ્યા છો ,

અને, અમે-?

અમારા સૌ

પેટના પરિઘ

વધારી રહ્યા છીએ .

તમે પાણીના ટીપાં માટેય

તલસી રહ્યા છો

અને, અમે-

પાતાળનાં પાણી ઉલેચી

ગટરોમાં ઠાલવી રહ્યા છીએ.

અમે પ્રારબ્ધના પીપળે

શ્રદ્ધાના સુતર બાંધી

આગાહીઓના ઓશીકે

ભર બપોરેય ઊંઘી રહ્યાં છીએ

અને, તમે-?